Miguel Altunak Mekanizazioa eta Ekipo eta Instalazio Elektroteknikoak erdi mailako tituluak eta Mekanizazio Bidezko Produkzioa goi mailakoa eskuratzeko aukera emango du aurten ere, eskaintza partzialaren bitartez.
Eskaintza hori 18 urtetik gorakoendako da eta titulazioa ere beharko dute: DBH edo parekoa beharko da erdi mailako zikloendako eta batxilergoa edo parekoa, goi mailako zikloendako. Eskolen ordutegia ikasleen beharren arabera antolatuko da, arratsaldez, eta izango dira astelehenetik eguenera hiru edo lau ordu.
Aurre-matrikula zabalik dago apirilaren 29ra arte. Izena emateko edo informazio gehiagorako deitu 943 76 38 40 edo 943 76 24 91 telefono zenbakietara edo eskolara joan.