Errotalde parkeko lanak bukatzear daude

Bidea konponduta dago eta baita kultura etxerako sarrera ere eta aurreko astean belarra erein zuten

Geroago eta gutxiago falta da Errotalde parkea egokitzeko lanak bukatzeko.
Honezkero parkean barrena dagoen bidetxoa asfaltatuta dago –ia bi metro eta erdiko zabalerarekin–  eta kultura etxerako sarrera ere egokitu egin dute, zoruan lauzak jarrita.
Horrekin guztiarekin batera, kultura etxe aurrean dagoen harrizko horma ere konpondu egin dute eta baita hormaren muturretako baten dagoen iturria martxan jarri ere.
Horrez guztiaz gain, argi puntuak ere jarri dituzte asfaltatu berri duten bidetxoan barrena eta aurreko astean belarra erein zuten Udaleko lorezain zerbitzukoek. Hori dela eta, ez da komeni berdegunea zapaltzea eta horretarako hesituta dago.
Errotaldeko lanak erabat bukatzeko argi puntuen ondoan eserlekuak jartzea baino ez da falta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.