Jon Ostolaza eta Rakel Pujana trikitilarien emanaldiarekin hasi zen aurtengo ekitaldia, joan den egubakoitzean.
Antolatzaileek dei egiten diete herritarrei emanaldiotan parte hartzera.
Herri afaria egubakoitzean
Hurrengo egubakoitzean, maiatzaren 18an, Bergarako trikitilariekin kalejira izango da 18:30etik 19:30era. Jarraian erromeria izango da Munibe plazan, 20:15ak arte, eta ondoren herri afaria antolatu dute. Txartelak 8 euroren truke daude salgai Kultura Etxean eta Kortazar tabernan. Afalostea Izer, Alabier eta Lutxurdio trikitilariek alaituko dute, Munibe plazan bertan.
Jardunek eta Abarka dantza taldeak antolatuta, euskal dantzen ikastaroak izan dira martxotik. Fandangoa, arin-arina eta erromerietako beste dantza batzuk ikasten 40 lagun inguru (adin tarte zabalekoak) aritu dira. Martitzenero izan dituzte eskolak, Aranzadiko gimnasioan eta antolatzaileak pozik dira jasotako erantzunarekin. Gaur eta hurrengo egubakoitzean ikasitakoa erakusteko aukera izango dute ikasleek. Munibe plazan izango dute hitzordua.