Arau subsidiarioen barruan
Bolu eta Zabalotegi lotuko dituen errepide hori herriko plan orokorra zehazten duten arau subsidiarioek jasotzen dute. Hain zuzen ere, duela gutxi onartu zuen udalbatzak plan orokorrarekin hastea. Auzo bi horietako biztanleek diote euren aholkuak ez dituztela kontuan hartu. Proiektua egiteko eman dituzten arrazoiak ere kritikatu dituzte: "Diote zirkulazioa hobeto banatuko dela horrela, baina benetan egiten dutena da Zabalotegi, Bolu eta Masterrekatik bideratu", diote auzotarrek.
Orain, bi hilabeteko epea zabalduko dute plan orokorraren hasierari alegazioak jartzeko, eta jarri egingo dituztela esan dute auzokideek. Bestalde, udal ordenamenduaren aholku batzordeak nola funtzionatzen duen ere salatu dute: "Ez du auzotarren ordezkaritza babesten", diote.