Oraindik ere Lola Diamante autoak aparteko ikusmina sortzen du, eta bi urte lasterketetatik kanpo egonda ere, etxeko proban Zabaleta ezin da begira geratu. Zapatuan hura izan zen entrenamenduetan eta lehenengo txandan azkarrena (02:52:91), baina bigarren txanda hasi aurretik euri apur bat bota zuen, eta bergararrak gurpilak aldatzea erabaki zuen; eta ez zuen asmatu. Izan ere, Gorlako goiko aldean errepidea lehor samar zegoen, eta egoera horretan bustiko gurpilek jai dute.
Kondizio horietan errazagoa da CM barketa bat gidatzea, eta lehian zebiltzan seiren artean, Iñigo Martinez izan zen azkarrena (02:58:70).
Eguraldia protagonista
Eguraldiak goitik behera baldintzatu zuen zapatuko proba. Entrenamendu saioan errepidea erabat lehor zegoen, baina lehenengo txanda hasi eta gutxira euria hasi zen. Horrek burukomin bat baino gehiago eragin zuen boxetan, eta denek ez zuten asmatu azken unean hartu beharreko erabakietan.
Hala, lehenengo sailkatuekin batera aipatzekoa izan zen Ruben Nogueira (Silver Car S-2) oñatiarrak lortutako bosgarren postua. Eta baita junior kategorian Markel Agirrek (Citroen Saxo VTS) lortutako bigarren postua ere, gainera, berea ez zen autoarekin. Bergarakoa pozik zen proba amaieran, eta iaz hil zen Igor Lete lagunari eskaini gura izan zion zapatuko lasterketa.
Igor Orobengoa (Seat Ibiza TDI) arrasatearra ere pozik zen, eta bazuen motiborik. Harena baino auto azkarragoen artean gailentzea lortu zuelako, laugarren mailan (03:16:18). David Ardions oñatiarrak proba amaieran onartu zuen azken txandan denbora ona egitera baino ikuskizuna ematera joan zela, eta lortu zuen Clio Sport autoarekin.
Eta, benetako ikuskizuna eman zuena Mikel Otxoa aretxabaletarra izan zen, BMW Touring beltzarekin. Debut ezin hobea egin zuen, atzeko trakziodun autoa batera eta bestera ibili zuen, denen gozamenerako.
Sailkapena:
1.-Iñigo Martinez 02:48:70
2.-Aitor Zabaleta (Berg.) 02:51:80
3.-Aritz Egozkue 02:55:08
4.-Juan Carlos San Mart. 02:55:89
5.-Ruben Nogueiras (Oñati) 02:59:46
6.-Julio Fernandez 03:03:09
7.-Iñigo Alustiza 03:04:53
8.-Aitor Erro 03:04:54
9.-Aitor Arrieta 03:06:80
10.-Alexander Bengoetx. 03:07:45
11.-David Ardions (Oñati) 03:08:59
12.-Iñaki Alberdi 03:09:14
13.-Markel Agirre (Berg.) 03:10:08
14.-Joseba Gartzia 03:11:03
15.-David Pelaez 03:11:86
16.-Jose Antonio Insa. 03:13:92
17.-Igor Orobengoa (Arras.) 03:16:18
18.-Josetxo Duperou 03:16:21
19.-Rafael Diaz 03:17:34
21.-Jesus Mari De. 03:18:55
22.-Roberto Gomez (Berg.) 03:18:85
23.-Pantxo Egozkue 03:19:07
24.-Emilio Huerta 03:20:92
25.-Ibai Zarraga 03:21:32
26.-Mario Perez 03:23:40
27.-Iñaki Racamonde 03:26:57
28.-Mikel Cano 03:27:13
29.-Aitor Ramirez (Oñati) 03:28:48
30.-David Mateos 03:28:70
31.-Javier Mur 03:28:86
32.-Mikel Otxoa (Aretxab.) 03:28:97
33.-Jesus M. Fernand. 03:29:15
34.-Borja Ramirez 03:29:24
35.-Jose Ignacio Viso 03:29:78
36.-Cristian Perez 03:29:79
37.-Josetxo Gezuraga 03:30:94
38.-Gaizka Segurola 03:32:56
39.-Alfonso Garate 03:33:92
41.-Asier Ugarte 03:34:63
42.-Mikel Macias 03:34:94
43.-Itziar Alonso 03:36:41
44.-Iker Bilbao 03:37:53
45.-Oliver Lopez 03:44:67
46.- Jose M. Ubieta 03:49:76
47.-Esteban Galarza (Berg.) Erretiratuta.
48.-Ander Urdanpilleta Erretiratuta