Erramu Zapatuko ferian, martxoaren 27an, jarriko diren bi txosnak ustiatzeko baldintzak onartu ditu Udalak eta baita eskaerak aurkezteko epea ireki ere.
Seminarioko jolas lekuan jarriko dute taloak saltzeko txosna eta Munibe plazan jarriko dute Eusko Labeleko oilaskoa saltzeko beste bat. Deialdian parte hartu ahal izango dute irabazi asmorik gabeko elkarteek eta eskaerak aurkeztu ahal izango dituzte martxoaren 10eko 13:30 arte, udaletxean. Eskaera orriak eta baldintzak eskura daitezke udaletxeko Idazkaritzan eta 'www.bergara.net' helbidean.