Etxeko txikiak eta ez hain txikiak aho zabalik uzteko moduko ikuskizuna eskainiko du Eriz Magoak Zabalotegin. Apirilaren 9an, egubakoitza izango da magia ikuskizuna, 17:00etan. Udalak Pazko asterako haurrentzako antolatu duen egitarauan sartzen da magia ikuskizuna.
Eriz magoak mundu magiko batera sartzeko "ongi etorria" egiten du, non "ilusio eta fantasia apur batekin dena posible den". Ordubete inguruko ikuskizuna izango da. Magia ikuskizunetan ohikoak diren tresnak erabiltzen ditu Eriz Magoak: kartak, animaliak, zapiak...
Haurren partaidetza
Haurren partaidetza ezinbestekoa izaten da magia ikuskizunetan: "Ikuskizun oso alaia da, dibertigarria... haurrak oholtzara igotzen ditut eta oso ondo pasatzen dute". Egiten dituen trukuei begira, gurasoak ere aho zabalik geratzen direla dio.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
