Agurne Barruso alkateak argi esan zuen aretoa ez dela berehala egingo, ez behintzat agintaldi honetan, baina udal gobernuaren asmoa dela herritarrekin adostutako oinarrizko ezaugarrien zerrenda bat jasota lagatzea. Eta bi ekarpen entzun zituzten atzokoan.
- Valen Moñux aparejadore eta musikazale bergararrak musikaletarako egokitutako aretoa egitea proposatu zuen. Dio herrian tradizio handia dutela orkestrak, bandak edo abesbatzek egindako ikuskizunek. Planteatu zuen 700-800 ikuslerendako antzoki bat egitea, sonorizazio eta argiztapen egokiekin. Orkestrarendako fosoarekin eta kutxa akustikoarekin... Bere ustez horrelako antzoki batean gainerako ikuskizunek ere lekua izango lukete; antzerkiek, kontzertuek eta abarrek, alegia.
-
Xabier Yeregi udal arkitektoak bere aldetik muga arkitektonikoak eta juridikoak ekarri zituen gogora. Arkitektoaren ustez lehenengo eta behin komeni da beharren programa zehaztea. Horrelako proiektu batek plan orokorra aldatzea ekarriko lukeela adierazi zuen. Behar horiek zehaztea eta konkurtsoen ideia egitea proposatu zuen.
Informazio gehiago: http://83.246.72.154/bergara
Apirilaren 20rako deitu dute hurrengo batzarra.