Eguerdiarekin batera, Bergaran kabidu ezinda

Lotsati hasi da eguna, baina eguerdia iritsi orduko, bergararrek eta bisitariek herriko kaleak hartu dituzte Erramu Zapatuko azokan. Guztiak ere gustura asko, saltokiak kuxkuxeatu, taloa jan eta txikitxoenei animaliak erakusten. Horien artean, tradizionalak (idiak, behiak, oiloak, poniak…) zein exotikoak (kanguruak, zarigueiak, eta beste). Zer ikusia eta zer egina, beraz, aukeran eta soberan dago.