Lokal berria bezeroendako
Bezeroak, berriz, Ibargarai kaleko 17. zenbakiko etxebizitzako lokaletan zabalduko den bulego berrira joan beharko dute, posta botatzeko, jasotzeko, eta beste zereginetarako. Orain arte posta kutxatila Burdiñateko lokalean izan duenak, lokal berrira joan beharko du.
Laugarren kokalekua
Bergarako posta zerbitzuaren bulegoak hainbat kokaleku ezberdin izan ditu urteetan zehar. Lehenengo posta bulegoa herriko plazan egon zen –orain Kutxa dagoen lekuan–. Ondoren Masterreka kalera eraman zuten – Pertxa elkartearen ondoan dagoen pasabidean– eta duela 18 urte inguru, Burdiñaten ipini zuten.
Bulego berriak izango duen ordutegia ondorengoa izango da: astelehenetik egubakoitzera, 08:30etik 14:30era, eta zapatuetan, berriz, 09:30etik 13:00etara.