Bergarako udaletxeko osoko bilkuren aretoan egin zuten herritarren foroa. Aitziber Blanco dinamizatzaileak gidatu zuen. Berak azaldu duen moduan, bi ordu iraun zuen batzarrak eta hiru parte izan zituen. Lehenengo zatian, galdera honi erantzun zion parte-hartzaile bakoitzak: egungo egoera honetan, zer ekimenek lagun dezakete bakeari beste aukera bat ematen? Kide bakoitzak hitz egin zuen bitartean, gainerakoak isilik egon ziren. Bigarren zatian, argibideak eskatu zizkioten elkarri eta hirugarrenean, besteek esandakotik interesgarriena iruditu zitzaiena esan zuen bakoitzak. Emandako iritzi denak, herritarren foroei buruzko txosten orokorrean sartuko dituzte.
Bergara Aurreraren galdera
Bestalde, Bergara Aurrerak salatu zuen asteleheneko osoko bilkuran foroan parte hartuko zuten herritarrak aukeratzeko bidea. Mikel Egurenek galdetu zion Victoriano Gallastegi alkateari ea zergatik ez zuen Bergara Aurrerako inor gonbidatu zinegotziak gonbidatu zituen bezala. Egurenek gogorarazi zion alkateari Bergarako udalak behin eta berriz esan duela apartheid politikoaren aurka dagoela baina kasu honetan argi erakutsi duela apartheid-a aplikatu duela, eurak baztertu dituztelako