Zarautzen jokatutako Gipuzkoako surf-kayak txapelketan Beti Bustiko sei piraguistak hartu zuten parte. Gazte mailan Josu Mentxakak lehen tokian bukatu zuen; eta kadete mailan Beñat Lizarralde bigarren sailkatu zen, Patxi Ugalde hirugarren eta Jokin Labaien zazpigarren.
Euskadiko txapelketa
Bestalde, domekan jokatu zuten Bidasoa ibaian Euskadiko txapelketa. Guztira, 62 piraguista lehiatu ziren, tartean Beti Busti elkarteko bost kide. Beñat Lizarralde eta Patxi Ugalde bigarren tokian sailkatu ziren. Bestalde, kadete mailan Iñaki Usabiaga bosgarren lekuan sailkatu zen, eta Aritz Gimbert zazpigarren tokian.
Aurreko aste bukaerako txapelketekin denboraldia bukatutzat eman dute federatutako piraguistek. Federatuta ez daudenek Hernaniko proban parte hartuko dute hilaren 12an.