Domekan egingo dute bigarren batzarra Txapa Irratikoek

Ikasturte hasierari forma emateko batu ziren joan den domekan Txapa Irratiko lagunak. “Hasiera baten, ez dugu irratsaio berririk izango ikasturte berrirako”, azaldu du Lander Juaristi Txapa Irratiko kideak. Orain arteko parrillarekin jarraituko dute: “Zazpi irratsaio propio ditugu, Bergaran ekoiztutakoak”, dio Juaristik.

“Nabarmendu behar da Info7 irratiko albistegiak ematen jarraituko dugula, 14:00etan eta 20:00etan”, esan du.

Beste batzar bat domekan

Irratsaioak guztiz lotzeko, beste bilera bat egingo dute Txapa Irratikoek domekan, 19:00etan gaztetxean. “Gogoratu irratsaio propioa egin gura duenak ateak zabalik dituela irratian”, dio Juaristik. Gainera, bileran landuko duten beste gai bat izango da Bergarako 27 musika talderekin egin zuten Txaparrada musikala.

Irratia entzuteko

Arrosa irrati sareak ematen dituen aukerak aprobetxatuko dituzte aurten ere Txapa Irratikoek. Hala, beste irrati libre batzuk jarraitu ahalko dira Bergaran. Bi bide daude: FM 97.25ean edo interneten www.txapairratia.org helbidean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.