Domekako finalera joan gura duenak 636 371 591 telefono zenbakian eska ditzake sarrerak, eta pilota elkartekoek eguenetik aurrera banatu ahal izango dituzte sarrerok. Hala, partidurako sarrerekin batera klubak jarriko duen autobusean joan nahi duen ala ez erantzun beharko da, eta baita partidu ostean Añotan bazkaltzera geratuko den ala ez. Izan ere, hori da pelota taldekoen asmoa, jaialdiaren ostean ikusle eta pilotariek denek elkarrekin bazkaltzea.
Prezioak:
Kantxan sarrera 12 euro.
Errebotean eta lehenengo solairuko sarrera 6 euro.
Bazkaria 28 euro.
Autobusa 5 euro.
Domekan, 08:30ean irtengo da Bergarako pilota elkartekoen eta pilotarien gurasoekin beteko den autobusa. Bergarako zaleak eramango dituen autobusa, berriz, 09:00etan irtengo da, autobus geltokitik.
Sarrerak hartzeko Bergarako pilotalekuko leihatila irekiko dute eguenetik zapatura arte:
Eguena: 18:00-20:00.
Egubakoitza: 18:00-20:00.
Larunbata: 12:00-14:00, 16.30-19:00.