Adituek jasotako kroniken arabera, 80ko hamarkadetara itzulera proposatu du diseinatzaileak, maukak murriztuta eta bolumenak puztuz. Safarian inspiraziodun imprimaturiko ohialak nabarmendu dituzte. Gasak, trenchak eta blusa nasaiak dira behin eta berriro ikusitako jantziak.
Fisikatik oihal artera
26 urte dauzka Urkiak eta jostorratz eta oihal artean murgildu baino lehenago Fisika ikasketak egin zituen EHUn. 2003 urtean hasi zituen Sabadellgo Ramon Lull Diseinu Goi Eskolan eta iaz diplomatu zen bere promozioko kalifikaziorik onenarekin.
Arrakasta ez du bakarrik ikasketetan lortu, iaz, diplomatu bezain laster diseinatzaile gazteak ezagutzera emateko Modafad erakundeak saria eman zion ikasketa amaierako proiektuarengatik.
Curruculum labur baina distiratsuaren erakusle bi besterik ez dira horiek. Ibilbide arrakastatsua horretan urrats esanguratsua izan da Madrid Fashion Weeken aurkezturiko bilduma, Estatuko diseinatzaile gazteen artean arreta piztu duena.