Carlos Riberak, sortzez valentziarra izan arren, Donostian egin zituen bere bizitzan pinturari eskainitako urterik oparoenak, 1976. urtean hil zen arte.
Carlos Riberaren erakusketa Donostiako Kutxa-Boulevard aretoan egon da ikusgai maiatzean eta ekainean. Arrakasta itzela izan du, eta Kutxak emandako aukerari esker, Bergarako Aroztegi aretoan izango da ikusgai uztailaren 20tik abuztuaren 19ra arte.
Carlos Riberaren biloba eta erakusketa honen komisarioa den Amaia Ribera Aroztegi aretoan izango da bihar, erakusketaren inaugurazio ekitaldian.