78 txirrindulari izan dira irteera puntuan gaur Bergaran. Osintxu eta Zubillagatik itzulia egin ostean, Gorla igo dute lehenengo aldiz. Ordurako 20 bat laguneko taldea ihes eginda pasatu da; eta, esan behar da uste baino bizkorrago ibili direla txirrindulariak.
Gorlan gora, bakarrik
Gorlatik Aizpurutxora eta Zumarragara egin dute txirrindulariek; ondoren, Deskarga jaitsi eta bigarren aldiz egin diote aurre Gorlako maldei. Bolun gora Jesus Herradak eta Mikel Bizkarrak –Naturgas– egin dute. Helmugarako zazpi kilometro falta zirela, Bizkarrak ihes egin du eta bakarrik egin du ia igoera guztia. Atzetik, baina, gertu zituen Bilbao eta Herrada; hala, bi horiek Bizkarra harrapatu dute helmugarako kilometro bat falta zela. Azkenean, esprintean Caja Rural taldekoa izan da nagusi.
Debagoiendarrak
Debagoiendarrei dagokienez, hiru izan dira irteera puntuan: Iban Caballero 55. tokian sailkatu da, eta Bergarar onenaren saria eroan du; Xabier Arantzeta 61. tokian sartu da; eta, Asier Penabadek lasterketa utzi du.
