Debagoieneko Agifes elkarteak antolatuta Uno por ciento esquizofrenia izeneko filma ikusteko aukera egongo da etzi, eguaztena, 18:30ean, Zabalotegin.
Julio Medemek idatzitako gidoian oinarritutako filma da eta eskizofrenia duten hainbat gaixoren, haren familiakoen eta medikuen testigantzak dira dokumentalaren oinarria.
Proiekzioa eta gero, Juan Moro Zamudioko ospitaleko psikiatrak egingo du berba. Morok dokumentalean ikusitakoa aztertzeaz gain, bertaratutakoen galderak erantzungo ditu.
Debagoieneko Agifesek buruko gaixotasunen gaineko sentsibilizazio jardunaldien baitan antolatu du saio hori. Jardunaldiak Donostialdean izatera, bailaran beti antolatzen dute saio bat.