Portugaleteko 36. Folklore Jaialdian izango da dantza taldea eta handik Bergarara etortzera gonbidatu du Udaleko Kultura Sailak.
Baikal laku ezagunetik hartu du izena dantza taldeak; Baikaleko olatuak da itzulpena.
Maila handiko dantza taldea da. Buriatiako Errepublikako eta Errusiako dantza talde ezagunenetarikoa da eta ibilbide luzea du; hain justu ere, 1961ean sortu zuten.
Gaur egun 40 lagunek osatzen dute taldea, dantzariak, musikariak, arte zuzendaria eta koreografoa kontuan hartuta.
Taldearen dantza errepertorioan daude Buriatiako folklorean oinarritutako hainbat koreografia eta horietako batzuk dira Lyudmila Ovchinnikova arte zuzendariak egindako koreografiak.
Esan beharra dago Baikalskie Volni taldearen dantzak oso erakargarriak direla; eta oso ederrak dira, baita ere, emanaldietan erabiltzen dituzten jantzi erregionalak.