Argindarra sartuta dago, baina probak egiten dabiltza orain eta maiatzaren bukaeran edo ekainaren hasieran emango dute argia farolek. Bestalde, inguru horren ondoan, Miguel Altuna berria joango den orubean ere gutxi falta da lanak bukatzeko. Argindarraren kableak joango diren tutuak sartu dituzte dagoeneko lur azpian, baina kableak sartzeko argia moztu behar da ordu batzuetan, eta hortxe dago gakoa. Inguruko enpresek ezin dute argirik gabe lanik egin eta Iberdrolarekin ari dira negoziatzen argia noiz moztu. Datozen asteburuetako baten egingo dute, ziur asko.