Azken urteotako ohiturari jarraituta, Debagoieneko hainbat herritara Saharako umeak etorri dira uda pasatzera. Horren harira, egubakoitzean Bergaran ongietorri ekitaldia egin zuten Bubisher elkarteak eta Udalak.
Bergara, Antzuola eta Elgetara bost ume etorri dira Saharatik: Ali, Nasra, Malluba, Nasra eta Nora. Guztiek ezin izan zuten ekitaldian izan, ezta gonbidatutako Txernobilgo umeek ere ez, baina ekimen polita izan zen. Are gehiago, antolatzaileek pentsatu zuten onena zela, inongo ekitaldi formalik egin barik, umeendako jokoak antolatzea; eta hala egin zuten.
Hala, Jardun elkarteko begiraleek hainbat tailer jarri zituzten, eta Saharako eta Bergarako txikienek batera jolastu eta elkar ezagutzeko aukera izan zuten.
Aipatutako neska-mutikoak joan den zapatuan heldu ziren Euskal Herrira eta iraila hasieran etxera itzuliko dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak