Espainiako txapelketatik bost dominarekin itzuli da Manex Azula riderra. Hain zuzen, La Molinan (Kataluniako Pirinioak) martxoaren 28tik 31ra jokatutako txapelketan maila guztietan lortu ditu dominak eta horrekin snowboarder osoena ere izan da Azula :
2010eko Espainiako txapelketan lorturiko dominak:
- Urrezko domina modalitate konbinatuan
- Urrezkoa loopstyle-ean
- Zilarrezkoa slalom erraldoiean
- Brontzezkoa Big-Air modalitatean
- Brontzezkoa Bordercross modalitatean
Emaitza horiekin bera izan da kategoria guztietan podiumera heldu den lasterkari bakarra.
Bolada ezin hobean dabil gainera Azula ze Pirinioetarako lan apartekoaren ostean, Kantabrian, Alto Campoon apirilaren 1 eta 2an jokatutako Kantabriako Txapelketan urrea eskuratu berri du infantiletan loopstyle-an eta absolutuetan. Horrenbestez, Kantabrian ere riderrik onena izan da Azula.
Ibai Linazisoro slalomeko txapeldun
Hiru dominarekin itzuli da Ibai La Molinan jokatutako txapelketatik: slalom berezian eta superkonbinatuan lehenengo, eta hirugarren egin zuen slalom erraldoian.
Linazisorok 12 urte ditu eta Infantil 1 mailan jokatzen du.