Bolu auzoko etxebizitzatik kaxa batzuk atera ditu poliziak; miaketa bukatu du

[Azken ordua]: 04:30etik 10:00ak arte jardun du Polizia Nazionalak Bolu auzoko 12. zenbakiko etxebizitza miatzen. Hiru lagun zeuden bertan, ez, aldiz, poliziak atxilotu gura zuen Aitziber Plazaola. Lekukoen arabera, hainbat kaxa atera dituzte Plazaolaren etxebizitzatik. Dagoeneko polizia joan da bertatik.

Grande-Marlaska Auzitegi Nazionaleko epaileak Segiren kontra abiarazi duen operazioaren barruan Bergaran etxebizitza bat miatu du Polizia Nazionalak. Hainbat iturriren arabera,
berez, Aitziber Plazaolaren etxean sartu da polizia baina ez zegoen bertan. Bere gurasoen etxea ere miatu dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.