Foru Aldundiko Garapen Iraunkorreko departamentuko Ingurumen zuzendaritza nagusiak esleitu ditu Bergarako bidegorriaren tramu batzuk, Udaleko Obra eta Hirigintza batzordeak jakinarazitakoaren arabera.
Hala, Soraluze-Mekolalde bidegorriaren zatia egokitzeko proiektuko lanak Campezo Construccion SA enpresari esleitu dizkio behin betiko, eta 876.899,96 euro (BEZ barne) da lanon aurrekontua.
Bestetik, Bergara-Antzuola izeneko txirrindulari eta oinezkoendako bidearen zatia egiteko lanen 1. eta 2. faseak Antzuola Aldi Bateko Enpresa Batasunari ematea adostu du Aldundiak. Lan horien aurrekontua da 794.972,53 euro (BEZ barne).