Bi autok elkarren aurka jo dute Fraiskozuri kalean

11:30ak aldera izan da istripua. Plaza ondoko aparkalekuan zegoen auto baten jabeak autoa martxan jarri du, baina automatikoa jarrita ei zeukan, eta ondorioz, errepidearen beste aldean aparkatuta zegoen autoa jo eta espaloi gainera bidali du. Une horretan ez zen inor pasatzen ari ez errepidean eta ezta espaloian ere, eta, hortaz, istripuak ez dio beste inori eragin. Gertaeraren ondorioz, ez da inor zauritu, baina autoek kalte dezente jaso dituzte.