Beste hiru Txakur Txoko egingo dituzte, eta esku-orri informatiboak banatu

Leire Kortabarria 2009ko urr. 22a, 18:56
Hilabete inguru daroate zabalik Bergarako Txakur Txokoak direlakoak. Sei daude –Artzamendin, Madalena plazan, bidegorrian, Boni Laskurainen, San Lorentzon eta Bolun–, eta beste hiru egingo dituzte –Labegaraietan, Martokon eta Ortuibarren.

Bada, horiek daudela eta zelan erabili behar diren gogorarazteko, esku-orri batzuk banatuko ditu Udalak txakurren jabeen artean. Plano baten, Txakur Txokoak non dauden adierazten da, berriak non egongo diren, eta txakurra hara eramaten bada, zelan jokatu.

Bestalde, esku-orriak gidatxo praktiko ere izan nahi du: hala, azaltzen da txakurren kakek gaitzak eta izurriteak eragin ditzaketela eta lorategiak kaltetzen dituztela; eta indarrean dagoen udal araudiko puntu batzuk ere batzen ditu orriak: besteak beste, gogorarazten du jabeak direla txakurron gorotzak jasotzearen ardura dutenak, eta txakurrak beti lotuta eraman behar direla edozein leku publikotan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak