Bergarako Real-zaleak talde berria talde txuri-urdinaren 108.a izango da, eta ospakizunera Bergarako beste jarraitzaile talde batzuk ere gonbidatu dituzte –Athleticekoak eta Real Madrid taldekoak–. Hala, zuzendaritzako kideekin batera, tartean Juanjo Arrieta bergararra egongo da– Realeko hainbat jokalari ere egongo dira: Jon Ansotegi, Mikel Labaka eta Markel Bergara. Laugarren jokalari bat ere izango da, baina konfirmatu gabe dago oraindik Mikel Aranburu edo Mikel Gonzalez izango ote den.
Bergarako Real-zaleak taldeak otsailean egin zuen lehenengo batzar orokorra, eta orduan eratuta geratu zen zale txuri-urdinen talde berria. Aurkezpen ofiziala egiteko, baina, Realak erabakitzen du eguna, egutegiaren arabera. Eta gaur, eguaztena da eguna. Agorrosinen batuko dira (19:30) peñakoak Realeko zuzendaritzako kideekin eta hainbat jokalarirekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak