Bergarako piano ikasleek orain arteko emaitza onena lortu dute Andoaingo Piano lehiaketan

Bergarako Musika eskolako piano ikasleek lan txukuna egin zuten aste bukaeran Andoainen jokatu zen III. Piano lehiaketan. Andoaingo Bastero Kultura etxean izan zen jaialdia eta Bergarako Amaia Urdangarin irakasleak esan duenez, "orain arte lortutako emaitza onena izan da aurtengoa".

21 ikasle joan ziren Andoainera, 8 eta 16 urte bitarteko ikasleak. Andoainetik 21 dominekin itzuli ziren Bergarara: -9 urrezko domina: Leire Ugarte, Jon Mikel Aiastui, Iñaki Beristain, Paul Azkargorta, Mikel Luna, Nerea Urresti, Maddi Mujika, Jone Eguren eta Ane Zangitu. -10 zilarrezko domina: Elene Bastarrika, Maider Jauregi, Uxue Azkarate, Amaia Uriarte, Nerea Olabarria, Laura Axpe, Ainhoa Etxeberria, Ainara Gonzalez, Cristina Souto eta Naroa Inza.-Brontzezko bi domina: Amaia Oregi eta Amaia Arregi.

Hainbat piezak eskaini zituzten; bakarka jo zuten batzuk eta lau eskutara beste batzuk. Argazkian ikasleak daude, dominekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.