Baina, irteeran bigarren emanaldi bat emateko asmoa dute, Bartzelonan. Taldeko orain arteko presidente Aritz Gallastegiren esanetan, "taldean neska katalana dugu eta bere neba Bartzelonan bizi da eta abesbatza batean kantatzen du. Trukea egingo dugu". Bestalde, orfeoiak oraindik guztiz finkatzeke dagoen proiektu "berezian" ere hartuko du parte.
Urteko batzarra
Gallastegik ekimen horien berri eman zuen martitzenean orfeoiak egindako batzarrean. Iazko gastuak, aurtengo ekimenak eta zuzendaritza batzordea aldatzea onartu zuten han, besteak beste. Azken horren harira, azpimarratzekoa da orfeoiak presidente berria duela: Karlos Etxaniz.