Tolosa bat gutxiagorekin
Bigarren zatiaren 10. minutuan Tolosa bat gutxiagorekin geratu zen, Bergarako Imanol Cabanillasen erasoa geratu zuen jokalariak txartel gorria ikusi zuen-eta. 60. minutuan egin zuen Bergarak gola: Martin Ibañezek jokaldia egin ondoren baloira erdiratu zuen, eta Cabanillasek sarera bidali zuen. Handik aurrera etxekoek aukera garbi-garbiak izan zituzten, baina ez zuten asmatu. "Puntu inportanteak dira lider jarraitzeko. Gainera, esan digute Zestoak eta Mutrikuk, sailkapeneko bigarrenak eta hirugarrenak, galdu egin dutela. Hortaz, jardunaldi borobila izan da guretako", esan zigun Manu Diaz entrenatzaileak.
Beste taldeen emaitzak
Lehenengo erregional mailako BTLSk, Antzuolak eta Aretxabaletak irabazi egin zuten zapatuan; aldiz, Mondra B taldeakberdindu egin zuen galdu egin zuen zuten zapatuan.
Aste bukaerako ezustekoa Aretxabaletak eman zuen. Preferente mailara igotzeko hautagai den Zestoaren zelaian irabazi zuen, 0-2. Duda barik, mesede galanta egin dio Bergara taldeari.
Bestalde, gol festa izan zuten Estala futbol zelaian zapatuan. Antzuolak 5-1 menderatu zuen Elgoibar B taldea.
Azkenik, BTLS taldeak hiru puntuak ekarri zituen Azpeititik. Alegia, o-i irabazi zuten Anaitasunaren aurka.