Mojategiko partiduaren gainean dio "gogorra" izango dela: "Mondra sailkapeneko zuloan dago eta puntuak beharrezkoak ditu. Guretzat ere puntu inportanteak dira. Horregatik guztiagatik, partidu gogorra izango da". Gaineratu du liga bukatzeko falta diren norgehiagoka guztiak izango direla parekatuak: "Talde guztiok helburuak bete barik, ditugu, batzuk igotzeko eta beste batzuk mantentzeko. Partidu guztietan dago zerbait jokoan, eta horrek bizitasuna ematen dio mailari. Ikusi bestela, Españolek Bartzelona nola menderatu zuen".
Abantaila mantendu
Denboraldi bukaerako helburuari kasu egin barik, partiduz partidu antolatu dute urtea: "Mutrikurekin eta Lagun Onakekin dugun abantaila mantendu behar dugu. Azpeitiko taldeak bi partidu gutxiago jokatu ditu. Bi irabazten badituzte, bederatzi puntura jarriko dira sailkapenean. Alde hori mantendu behar dugu aurrerantzean".
Aldagelan preferente hitza erabiltzen duten galdetu diogu: "Ez gara horretan pentsatzen hasi. Orain arteko maila mantentzen badugu, helburua lortuko dugu. Baina ez gara kontuak egiten hasi, egin dugun bakoitzean galdu egin dugu-eta".