Denboraldi ederra egin eta gero, nahiz eta liga amaitzeko lau jardunaldi geratu Bergarak preferentera igotzeko nahikoa du biharko partidua irabazita. Mahoneroek Anaitasuna izango dute bisitari, atzeko postuetan lehian dagoen taldea. Hala, Bergarako entrenatzaileak Asteleheneko Goienkaria-ri adierazitakoaren arabera, biharko partidurako zaleen bultzada izugarri eskertuko dute: "Zapatuan zaleekin ospatu nahi dugu igoera, ezin dugu hutsik egin". Gainera, GOITBko kamerak Agorrosinen izango dira, astelehenean Harmailatik saioan laburpen zabala eskaintzeko asmoz.
Preferentean, denak kanpoan
Lider dagoen UDAk Anaitasunaren zelaira egingo du domekan bidaia (16:30), eta aretxabaletarrek gertutik jarraituko dute atzetik datozen Tolosak eta Hernanik jokatuko duten partidua.
Mondrak ere garrantzi handiko partidua jokatuko du bihar Zumaiakoren zelaian (17:15), eta Aloñak (bihar, 17:30) liga aurrean amaitzeko Deban jokoan egongo diren puntuak behar ditu.