Badator pilota mailan Bergarako Txapelketa indartsuena, Bergara Hiria. Eta, urtero moduan, txapelketako antolatzaileek amateur mailako puntako pilotariak gonbidatu dituzte. Norgehiagoka guztiak martitzenetan jokatuko dituzte –udal pilotalekuan, 19:30ean–, eta datorren martitzenean bertan hasiko dute lehia; Astibi-Olalde bikoteak Perez-Telletxearen kontra jokatutako norgehiagokak egingo du estreinaldia.
Bi taldetan banatuta
Txapelketan bi talde osatuko dituzte, 22 urtez azpikoak batetik eta nagusiak bestetik;seniorretan, Garralda-Beiroz, Beitia-Zabala, Muguruza-Bengoetxea, Ollo-Linzoain, Renobales-Arrastoa, Gorka-Gomez, Mendizabal-Jauregi eta Onsalo-Galarraga bikoteak lehiatuko dira; eta 22 urtez azpikoetan, Astibi-Olalde, Perez-Telletxea, Jaunarena-Bergera, Epelde-Diez, Iturrioz-Merino, Elezkano-Landaburu, Idoate-Peñas eta Rico-Perez pilotariak izango dira zein baino zein gehiago.
Hala, apirileko martitzenetan jokatutako jardunaldien ondoren, apirilaren 29an eta maiatzaren 6an jokatuko dituzte finalerdiak, eta maiatzaren 12an izango dira finalak.