2004an argitaratu zuen Udalak Juan Martin Elexpururen Bergara aldeko hiztegia izenburuko lana. Besteak beste, 12.000 sarrera, milaka azpisarrera, esapide eta esaera zahar eta mapak eta argazkiak ditu aipatutako lanak. Leintz-Aramaio, Oñati eta Eibar inguruko berbekin osatutako lana da. Orain, Interneten eskuragarri jarriko da jendeak kontsultatzeko aukera izan dezan, bereziki hizkuntza lan-tresna dutenei aukera ederra eskainiz.
Aurkezpen ekitaldian, besteak beste, Agurne Barruso Bergarako alkatea, Juan Martin Elexpuru liburuaren egilea, Estepan Plazaola Udaleko Euskara zerbitzuburua eta Iñaxio Elize KAM Telekomunikazio Aholkularitza enpresakoa izango dira.