Berrehun laguni inkesta
Egoera horretan diren herritarren baldintzak gertutik ezagutzea izan da helburua, besteak beste, euren mendekotasun maila eta bizitza kalitatea zein den jakiteko.
Aurtengo ikasturtean jasotako datuak dira, eta bakarrik bizi direnen 70 urtetik gorakoen artean, emakumeak aise dira gehien: 353, hain zuzen ere. Datu horietan oinarrituta ere, gizonezkoak 102 dira.
Era berean, 205 laguni inkesta egin zieten uda aurretik: horietatik %82 emakumezkoak ziren, eta %18, gizakumeak. Inkestatutakoen ezaugarri orokorretako batzuk hauek lirateke: 70-85 urte bitartekoa, alarguna seme-alabekin, etxeko lanak egiteko laguntza jasotzen duen autonomoa, bizitza sozial aktiboarekin, osasun onekoa eta etxebizitza egokitua duena.