Azterketa geoteknikoa egiten ari dira plazan

Oihana Elorza Gorostiza 2007ko uzt. 10a, 10:38
Plazan, seminarioaren arkupetan, hondeamakina ba ari da lanean joan den astetik. Seminarioan egingo duten auditoriarekin du lotura indusketa lan horrek. Herriaren gune historikoan proiektu bat egiteko asmoa dagoenean, legeak agintzen du aurretik azterketa arkeologikoak egin behar direla, eta lan horixe egiten ari dira.

Hirigintzako teknikariak azaldu duen moduan, orain laginak ateratzeko ari da lurra zulatzen makina hori. Teknikoek gertutik jarraituko dituzte indusketa lanak eta, ateratako laginekin batera, txosten bat egingo dute azterketaren emaitzak jasotzeko. Txosten horrek esango du, besteak beste, zer nolako lurzorua dagoen leku horretan, auditorioa egin nahi duten tokian.

Auditorioa egiteko hitzarmena

Abenduan sinatu zuten Gipuzkoako Aldundiak eta Udalak auditorioa egiteko hitzarmena. Horren arabera, 1.750.000 euro ipiniko ditu Aldundiak, kostuaren %27,822. Seminarioko elizan egin nahi dute auditorioa.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak