Esate baterako Javier Pascualena adituak 12 patata motaren gaineko azalpenak emango ditu eta artisau eta gastronomia produktuen postuak jarriko dituzte antolatzaileek, Udapa eta Natuber enpresen laguntzarekin, besteak beste. Patata izango da zalantzarik gabe egun horretako protagonista nagusia. Azokan 17 postu ipiniko dituzte hainbat produkturekin: gazta, mermelada, ogia, lekaleak eta kontserbak, barazkiak, fruitu lehorrak, artisautza eta txerri patea besteak beste. Era berean elkarte gastronomikoen arteko sukaldaritza lehiaketa jokatuko da 11:30etan. Herriko hainbat elkartek jardungo dute lehian patatak errioxar erara prestatzen.
Patatak eta haragi gisatua
Arabako Patataren Kofradiako Isidro Urzelai presidentearen eskutik patata dastatzea izango da Gure Ametsan 11:30ean eta 12:30ean, eta ondoren patata eta haragi gisatuaren, kalitatezko label produktuekin. Feriari bukaera emateko, sari banaketa ekitaldia izango da 13:30ean. Aurten baina, ez da egongo pasa den urtean egon zen tabernen arteko pintxo lehiaketa, "abenduaren 20an egin nahi dugun azokarekin batera antolatzeko asmoa dugu", adierazi digu azokako antolatzaile Jesus Jauregik.