Mendekoak zein ezinduak euren kargu dituzten pertsonendako autolaguntza taldea sortu nahi du Udalak. Halako gaixoak dituztenendako elkargune izatea da asmoa, eta Udaleko iturrien arabera, garrantzitsua da taldea osatze.
Autolaguntza taldean bakoitzak bere bizipen eta esperientziak azaltzeko aukera izango du, egoera berean dauden beste batzuekin partekatuz. Azken baten, taldearen helburua da elkarri laguntzea eta babestuta sentzitzea.
Hamabostean behin
Mendekotasun egoeran dauden pertsonen zaintzaileekin hainbat ikastaro eta jardunaldi egin eta gero ikusi dute Udaleko Ongizate zerbitzuan halako talde bat sortzeko beharra.
Udal iturriek azaldu dutenez, hamabostean behin elkartuko da taldea eta gidari baten laguntza izango dute. Bestalde, landuko diren gaiak taldean erabakiko dira. Taldea elkartzeko egun eta orduari dagokionez, taldeak berak erabakiko duela ere aurreratu dute Udaleko Ongizate zerbitzutik.
Parte hartzeko modua
Autolaguntza taldean parte hartzeko interesa dutenek Ongizate zerbitzura jo dezakete edo 943 77 91 65 zenbakira deituta.
Udaletik gonbita egiten diete mendekoak zein ezinduak euren kargu dituzten zaintzaileei autolaguntza taldean parte hartzeko.