Errege Seminarioko patioa erostea erabaki zuen udalbatzak eguaztenean egin zuen presazko ez ohiko osoko bilkuran. EAJ, EA, Aralar eta PSEren aldeko botoekin onartu zuen; EB eta PP ez ziren osoko bilkurara joan. Horrela, 741.000 eurotan erosiko dio Seminarioko patioa Udalak Estatuari.
220 aparkaleku berri
Patio horretan aparkalekuak egin nahi ditu Udalak, eta ze aukera dauden ikusten hasi da dagoeneko. Patioan 220 ibilgailuendako aparkalekuak egingo dituzte; bi pisu eraikiko dituzte lur azpian. Goia jolas lekua izango da, orain bezala. "Mugikortasun ikerketak dio 150 aparkaleku falta direla herrian, eta hor gehiago egingo ditugu", esan du Victoriano Gallastegi alkateak.
Gaur, hitzarmen sinaketa
Errege Seminarioa azpilagatzearen gaineko hitzarmena sinatuko dute gaur, astelehena, udaletxean, 10:30ean, Joxe Joan Gonzalez de Txabarri ahaldun nagusiak; Victoriano Gallastegi alkateak; Juanjo Alvarez UNED Bergarako zuzendariak; eta Angel M. Eguren ikastolako presidenteak.