Aspaldiko ohiturak berreskuratzeko asmoz, musika kalera aterako du Orfeoiak zapatuan

Bergarako Orfeoiak kontzertua emango du zapatuan Domingo Irala kalean, 20:00etan. Lehenengo aldia da Orfeoia kalera ateratzen dela, eta Aitor Biain zuzendariaren berbetan, helburua da Orfeoia entzutera joaten ez den jendearengana iristea.

"Kontzertu berezia izango da. Asmoa da kantua kalera ateratzea. Lehen ohitura handia zegoen kantuan ibiltzeko, eta giro hori berreskuratu gura dugu. Bestalde, Orfeoia entzutera elizara edo antzokira etortzen ez den jendearengana iritsi gura dugu, euren giroan, trago bat hartzen dabiltzan bitartean", azaldu du Biainek.

Abesti herrikoiak

Abesti herrikoiak abestuko dituzte, kalean abesteko modukoak: Isil-isilik dago, Hegoak ebaki banizkio, Kalian gora kalian behera... eta, baita  kantu espiritualak, eta irlandarrak ere. Kontzertuak ordu erdi iraungo du, eta zapatukoarekin denboraldia amaitutzat emango du Bergarako Orfeoiak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.