Eduki hau partekatzeko esteka arbelera kopiatu da.
Erantzun ezin hobea izan du Beart elkarteak antolatutako pintura erakusketak. Eguraldia lagun izan ez dutenez, Irala kalean jarri beharrean Udaletxe azpiko arkupeetan jarri dute erakusketa-azoka. Aurrerantzean ere erakusketa antolatzeko nahia erakutsi dute antolatzaileek.
Beart elkarteko 30 lagun elkartu dira plazan. Bakoitzak bere lau edo bost lan eraman ditu ikusgai; esan, erakusketa izateaz gain azoka ere izan dela. Hala, gura zuenak pintura lanak erosteko aukera izan du Bergarako plazan.
Herritarrak, harrituta
"Harrera oso ona izan du erakusketak herritarren artean; gainera, jendea harrituta geratu da herrian zenbat artista dagoen ikusita", adierazi du Ricardo Azkargorta Beart elkarteko kideak.
Gaineratu du aurrerantzean, data hauetan, urtero atera gura dutela artea kalera.
