2008-2009 denboraldiko Kopa finaletik elkarren aurkako partidurik jokatu barik zeuden eta indarrak neurtzeko gogotsu. Partidua, baina, ez zen batere ikusgarria izan eta epailerik ez izateak –aurreko partiduan min hartu eta jokalari bat ibili zen– baldintzatu egin zuen.
Partidu motela izan zen eta defentsa lanetan zer hobetua badutela erakutsi zuten bi taldeek. Arrasatearrak aurretik joan ziren atsedenaldira (13-15) eta diferentzia hori handitu egin zen bigarren zatian (27-32).
Egubakoitzean, ostera, Zumarragako finala jokatu zuen Soraluze BKE-k Elgoibarren aurka eta galdu (32-31) partidu txarra jokatuta. Datozen bi asteok akatsak zuzentzeko eta erritmoa hartzeko erabiliko dituztela jakinarazi du Josetxo Muniategi Bergarako entrenatzaileak.