Ardo ondua eta pintxoa 1,5 euroren truke, eguenetan

Herriko bost tabernak kaleko giroa piztu nahi dute eta horretarako ekimen berria abiaraziko dute gaur, eguena: Faustino ardo ondua eta pintxoa, 1,5 eurotan salduko dute. Eguenetan egingo duten ekimena da.

Etxagi, Biko, Ariznoa, Eusebio II eta Deportivo tabernek eguenetako giroa pizteko ekimen berria abiarazi dute: 18:00-21:00 ordutegian zerbitzatuko dituzte Faustino etxeko  ardo ondua eta ekimenerako propio prestatutako pintxoa, 1,5 euroren truke. Gaur hasiko diote  eskaintzari. 

Pintxo lehiaketa, abiapuntua

Gure Ametsa elkarteak azaroan antolatutako tabernendako pintxo lehiaketak edukitako arrakasta izan da ekimenaren abiapuntua: "Ohikoa baino jende gehiago ibili zen tabernan. erdi erotuta ibili nintzen, pintxoak egin eta egin", esan du Eusebio IIko Amaia Txintxurretak. "Horrek animatu gaitu hau antolatzera. Bestalde, badakigu Arrasaten ere egiten dutena, eta jende asko ibiltzen dela kalean. Ea hemen ze erantzun duen".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.