Arcelor-Mittal altzairuaren sektoreko enpresa handienetako bat mundu mailan, baina, hala ere, azken hilabeteotan gogor astindu du krisi ekonomikoak, batez ere Espainiar Estatuan dituen enpresetan, hauek eraikuntzaren industriarekin zuzenean lotuta daudelako. Zentzu horretan Gipuzkoan, Olaberrian, Zumarragan eta Bergaran dituen lantokiak daude egoera latzenean.
Arcelor-Mittal ere hasi da krisi ekonomikoari aurre egiteko erabakiak hartzen. Arcelor enpresak azaldu digu produkzioak %40 egin du behera azken hiruhilekoan. Horren aurrean Arcelorrek azpikontratatutako enpresetako langile eta behin behineko kontratua zuten langileen artean 500 langile gutxiago ditu orain.
LABek, kontzentrazioa
Astelehenan, hilak 17, kontzentrazioa egingo du LABek Arcelor kanpoan, 14:00etan, salatzeko enpresak kaleratze neurriak hartu dituela.