Arborea bikotearen zuzeneko lasai eta atsegina, domekan Zabalotegin

Musika lasaia eta atsegina ekarriko digu AEBtako Maine Estatutik datorren Arborea izeneko taldeak. Folka eta indie estiloak uztartzen ditu Shanti eta Buck Curran bikoteak. Emanaldia domekan izango da Zabalotegi aretoan (19:00) eta sarrera bost euro ordaindu beharko da.

Musika lasaia eta atsegina ekarriko digu AEBtako Maine Estatutik datorren Arborea izeneko taldeak. Shanti Curran eta Buck Curran bikoteak osatzen dute taldea eta folk eta indie estiloak uztartzen dituzte batez ere. Finean, Zabalotegi aretorako ezin egokiagoa den zuzeneko musikaz gozatzeko aukera izango da. Kontzertua domekan izango da, 19:00etan, eta sarrera bost eurotan jarri dute. 

'House of sticks', lan berria
Naturatik eta naturaz egindako abestiak joko ditu bikoteak. Izan ere, naturarekiko lotura sakona erakusten du taldeak. Domekan lan berria aurkeztuko dute Zabalotegin, zortzi kantuz osatutako House of sticks diskoa, hain zuzen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.