Ikasturte honetan, hain justu ere datorren urteko ekainaren 19an, Aranzadi Ikastolak 40 urte betetzen ditu. Hori dela-eta, ekintzez beteriko ikasturtea antolatu dute: logotipo lehiaketa, argazki erakusketa, bizikleta eguna, hamabostaldi kulturala, artelanen erakusketa… Aurki emango dute ezagutzera egitarau zehatzagoa.
Ekintza horien
guztien artean, ikasle ohien eguna prestatu dute, datorren azaroaren 27rako. Urte hauetan
guztietan Aranzadi Ikastolatik pasatu diren ikasle belaunaldi ezberdinak
elkartuko dira. Triki-poteoa, bazkaria, dantzaldia eta abar antolatu dituzte.
Frontoian izango
den bazkarirako txartelak salgai jarri dituzue Arrano, Depor, Ariznoa eta frontoiko
tabernetan, 30 eurotan. Eguerdiko
12:00etan elkartuko dira ikastolako jolastokian argazkia ateratzeko eta
handik aurrera… festa eta jaia.