Aparkalekuak egokitzen ari dira Ozaetan

Ozaeta auzoan, erreka aldera aparkalekuak egokitzen dihardute Udal langileek. 30 bat autorendako aparkalekua egokituko dute, nahiz eta zenbaki hori behin behinekoa den, Udal iturrien arabera: "Lanak hasi berri dira eta orubea txukuntzen bukatu arte ez dugu jakingo zehazki zenbat autorendako lekua egongo den". Aparkalekuko zoruarekin batera, oinezkoendako bidea txukunduko dute. 4,15 metroko zabalera izango du eta bidearen eta aparkalekuaren artean ormigoizko pareta egingo dute.