Azken ordua 18:30: AP1 irekita
Ertzaintzatik jakinarazi digutenez, Errioxako leherketa salbu gainontzeko errepideetan ez dute ezer aurkitu. Hortaz, aipatutako errepide guztiak zabalik daude. AP1 18:30ean ireki dute eta trafikoa normaltasunera itzuli da.Albistea
Gipuzkoako, Kantabriako, Errioxako eta Burgosko errepideetako bost puntu zehatzetan lehergailuak daudela eta 15:00ak eta 17:00ak artean eztanda egingo dutela ohartarazi du ezezagun batek Donostiako DYAri, telefono dei baten bidez, Ertzaintzatik baieztatu digutenez.
Oraingoz, leherketarik izan ez bada ere, honakoak dira deia egin dutenean zehaztu dituzten puntuak:
AP-1 autobideko 7. kilometroa, Bergara parean.
A-67 autobideko 181. kilometroa, Barreda (Kantabria) parean.
AP-68 autobideko 115. kilometroa, Armiñon (Kantabria) parean.
N-232 errepideko 421. kilometroa, Cenicero Fuenmayor (Errioxa) parean.
N-1 errepideko 251. kilometroa, Rubena (Burgos) parean.
AP-1 autobidea itxita dago 15:30etik Bergara eta Arrasate artean, Ertzaintza tokia miatzen ari baita.
EFE berri agentziak jakinarazi duenez duenez lehergailu txiki bat lehertu da Fuenmayorren (Errioxa) baina ez du kalterik eragin.