Urtarrilaren 14ko Hola aldizkariak dakar Ainhoa Artetaren gaineko erreportajea, argazki askorekin. Erreportaje horretan Artetak erabili dituen arropa, zapata, bitxi eta bestelakoak Marije Ibañezek aukeratutakoak dira. Azken bi urteotan dihardu harekin lanean eta iazko udatik errezitaldietarako ere janzten du. Bihar kaleratuko den Goienkarian duzue informazio gehiago. Gainera, gaurko Magazine-ko prentsa digitaleko tartean izango duzuen argazkiak ikusgai primizian.
Marije Ibañez bergararra da soprano handiaren estilista. Ainhoa Artetak orain gazteago ematen duela eta arropa koloretsuagoak erabiltzen dituela dio. Ahots bikainarengatik eta soprano handia izateagatik da ospetsua mundu osoan Ainhoa Arteta tolosarra. Bere izaera gertuko eta jatorra, inteligentzia eta edertasuna ere nabarmentzen dute. Eta, azkenaldian, janzkeragatik, elegante izateagatik eta estiloarengatik ere bai. Lirikaren top-model ere izendatu dute hedabideek. Gutxik jakingo du, ordea, bergarar bat dela Ainhoa Artetaren estilista; Marije Ibañez, Baster dendakoa. Eta Arteta handiak dotoretasuna, zati batean, debagoiendar horri zor diola.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak