Emaitzak zehatz mehatz ondorengo dokumentuan dituzue (pdf, 5kb)
Inkesta hauek eremu bakoitzeko iritzia jakiteko egin ditu Kirol Zerbitzuak. Guztira, 199 inkesta jaso dira. Aztertutako esparruak igerilekuak, bainuetxea eta fitness aretoa izan dira. Emaitzak jasotzeko 1etik 5erako puntuazioa emateko eskatzen zen eremu bakoitzeko alderdi zehatz bakoitzaren inguruan.
Honela jasotako emaitzak onak izan direla azpimarratu dute Kirol Sailetik. Agorrosingo esparruek osotasunean lortutako nota 3.30 izan da. Balorazioa onena jasotzen duen esparrua igerilekua izan da (3.66) eta okerrena, berriz, bainuetxea (2.98).
Esparruz esparruko azterketa egiten bada hoberen baloratzen den alorra Fitness aretoko begiraleak dira (4.05) eta okerrena igerilekutik bainuetxera pasabiderik ez egotea (2.00).
Eremuetako garbitasuna eta ordutegiak oso balorazio ona jaso dute. Hobetu beharreko alorrak dira bainuetxeko konponketak egiteko denborak, fitness aretoko makinak kopurua eta bainuetxeko aldageletako tenperatura. Alor hauek denak aztertu eta aintzakotzat hartuak izango dira.